தமிழக முதல்வர் அதிரடி: 717 டாஸ்மாக் கடைகளை உடனடியாக மூட உத்தரவு!சென்னை | மே 12, 2026தமிழகத்தில் பொதுமக்களின் நலன் கருதி, வழிபாட்டுத் தலங்கள், கல்வி நிறுவனங்கள் மற்றும் பேருந்து நிலையங்களுக்கு அருகில் அமைந்துள்ள மதுபானக் கடைகளை அகற்ற வேண்டும் என்ற நீண்ட நாள் கோரிக்கையை ஏற்று, தமிழக அரசு இன்று அதிரடி உத்தரவைப் பிறப்பித்துள்ளது.717 கடைகள் மூடல்:மாண்புமிகு தமிழக முதலமைச்சர் திரு. ச. ஜோசப் விஜய் அவர்கள், வழிபாட்டுத் தலங்கள், பள்ளிகள், கல்லூரிகள் மற்றும் பேருந்து நிலையங்களில் இருந்து 500 மீட்டர் தொலைவிற்குள் அமைந்துள்ள 717 மதுபானச் சில்லறை விற்பனைக் கடைகளை அடுத்த இரண்டு வாரத்திற்குள் நிரந்தரமாக மூடுமாறு உத்தரவிட்டுள்ளார்.ஆய்வு அறிக்கை விவரம்:தமிழகத்தில் தற்போது மொத்தம் 4,765 மதுபானக் கடைகள் செயல்பட்டு வரும் நிலையில், முதலமைச்சரின் உத்தரவின் பேரில் நடத்தப்பட்ட ஆய்வில், கீழ்க்கண்டவாறு விதிகளை மீறிச் செயல்படும் கடைகள் கண்டறியப்பட்டுள்ளன:வழிபாட்டுத் தலங்கள் அருகில் அமைந்துள்ள கடைகள்: 276கல்வி நிறுவனங்கள் (பள்ளிகள், கல்லூரிகள்) அருகில் உள்ள கடைகள்: 186பேருந்து நிலையங்கள் அருகில் உள்ள கடைகள்: 255மொத்தம் 717 கடைகளை அடுத்த இரண்டு வார காலத்திற்குள் மூடுவதற்குத் தமிழக அரசு காலக்கெடு விதித்துள்ளது.பொதுமக்கள் வரவேற்பு:மக்களின் பாதுகாப்பையும், மாணவர்களின் நலனையும் கருத்தில் கொண்டு எடுக்கப்பட்டுள்ள இந்த அதிரடி முடிவை சமூக ஆர்வலர்களும், பொதுமக்களும் பாராட்டி வருகின்றனர். இந்த உத்தரவு குறித்த விரிவான அறிக்கையைச் செய்தி மற்றும் மக்கள் தொடர்புத் துறை அதிகாரப்பூர்வமாக வெளியிட்டுள்ளது.செய்தித் தொகுப்பு:மாலை பார்வை எக்ஸ்பிரஸ் (மாத இதழ்)ஆசிரியர்: M. சரவணகுமார்இணையதளம்: maalaipaarvaiexpress..
