**திருச்செந்தூரில் இந்து மகா சபா ஆலோசனை கூட்டம்: 1008 விநாயகர் சிலைகள் பிரதிஷ்டை செய்ய தீர்மானம்!***திருச்செந்தூர்:*இந்து மகா சபா தூத்துக்குடி அமைப்பு சார்பாக விநாயகர் சதுர்த்தி விழா தொடர்பான முக்கிய ஆலோசனை கூட்டம் திருச்செந்தூர் நகராட்சி அலுவலகம் எதிரில் உள்ள வணிக வளாக கட்டிடத்தின் மாடியில் வைத்து மாநில தலைவர் . சுந்தரவேல் தலைமையில் நடைபெற்றது.இக்கூட்டத்திற்கு மாநிலச் செயலாளர் சேர்மத்துரை முன்னிலை வகித்தார். மாநிலத் துணைத் தலைவர் அண்ணாசாமி வரவேற்புரையாற்றினார். அமைப்பு பொதுச்செயலாளர் ராம்குமார் சிறப்புரையாற்றினார், கூட்டத்தின் நிறைவில் அமைப்பு ஒருங்கிணைப்பாளர்ராமசாமி நன்றியுரை கூறினார்.இக்கூட்டத்தில் கீழ்க்கண்ட முக்கிய தீர்மானங்கள் ஒருமனதாக நிறைவேற்றப்பட்டன: **நிறைவேற்றப்பட்ட தீர்மானங்கள்:** * **தீர்மானம் 1 (1008 விநாயகர் சிலைகள் பிரதிஷ்டை):* தூத்துக்குடி மற்றும் திருநெல்வேலி ஆகிய இரண்டு மாவட்டங்களிலும் இந்து மகா சபா தூத்துக்குடி அமைப்பு சார்பில் விநாயகர் சதுர்த்தி விழாவை முன்னிட்டு, வரும் செப்டம்பர் 14 (ஆவணி 28) அன்று 1 அடி முதல் 6 அடி வரையிலான **1008 விநாயகர் சிலைகள்** பிரதிஷ்டை செய்யப்பட்டு வழிபாடுகள் நடத்தப்படும். தொடர்ந்து செப்டம்பர் 16 அன்று மதியம் விநாயகர் சிலைகள் அனைத்தும் ஊர்வலமாகப் புறப்பட்டு, மாலை 6 மணியளவில் திருச்செந்தூர் அருள்மிகு சுப்பிரமணிய சுவாமி திருக்கோவில் கடற்கரையில் விசர்ஜனம் செய்யப்படும். * **தீர்மானம் 2 (தமிழக அரசுக்கு கோரிக்கை):** பொது இடங்களில் விநாயகர் சிலைகள் வைத்து வழிபடுவதற்கு அரசு தரப்பில் ஆண்டுதோறும் புதிய கட்டுப்பாடுகளும் விதிமுறைகளும் விதிக்கப்படுவதால், பொதுமக்கள் மற்றும் அமைப்பாளர்கள் பெரும் சிரமத்திற்கு உள்ளாகின்றனர். எனவே, மாண்புமிகு தமிழக முதல்வர் அவர்கள் இந்த விதிமுறைகளை எளிதாக்கி, தமிழ்நாடு முழுவதும் விநாயகர் சதுர்த்தி விழாவைச் சிறப்பாகக் கொண்டாட வழிவகை செய்ய வேண்டும் எனக் கேட்டுக்கொள்ளப்படுகிறது.இக்கூட்டத்தில் இந்து மகா சபா நிர்வாகிகள் சக்திகுமார் ஆண்டவர் அன்னதான அறக்கட்டளை ஆண்டவர்சாமி சேகர் காலசாமி பவன் சுரேஷ் மற்றும் ஆறுமுகநேரி திருச்செந்தூர் நகர இந்து மகா சபா பொறுப்பாளர்கள் கலந்து கொண்டனர்.
