திருப்பூர், ஜூலை 09:திருப்பூர் மாவட்ட காவல் அலுவலகத்தில், பொதுமக்கள் அளிக்கும் புகார்கள் மற்றும் கோரிக்கைகள் மீது உடனடி நடவடிக்கை எடுக்கும் நோக்கில், வாராந்திர மக்கள் குறைதீர்ப்பு கூட்டம் நடைபெற்றது.இந்தக் கூட்டத்தில், திருப்பூர் மாவட்டத்தின் பல்வேறு பகுதிகளிலிருந்து வந்திருந்த பொதுமக்கள், தங்களது குறைகளைத் தெரிவித்து மனுக்களை அளித்தனர். இக்கூட்டத்தில் கலந்துகொண்ட கூடுதல் காவல் கண்காணிப்பாளர் (PEW) திரு. ஆறுமுகம் அவர்கள், பொதுமக்களிடமிருந்து கோரிக்கை மனுக்களை நேரடியாகப் பெற்றுக்கொண்டார்.மனுக்களைப் பெற்றுக்கொண்ட கூடுதல் காவல் கண்காணிப்பாளர், ஒவ்வொரு மனுதாரரிடமும் குறைகளைக் கேட்டறிந்து, அந்த மனுக்களின் மீது உரிய விசாரணை நடத்தி, சட்டரீதியான நடவடிக்கைகளை விரைந்து முடிக்குமாறு சம்பந்தப்பட்ட காவல் அதிகாரிகளுக்கு உத்தரவிட்டார்.பொதுமக்களின் குறைகளைத் தீர்ப்பதில் காவல்துறை மிகவும் முனைப்புடன் செயல்பட்டு வருவதையும், பொதுமக்கள் தங்களது புகார்களை எவ்விதத் தயக்கமுமின்றி காவல் அலுவலகத்திற்கு வந்து தெரிவிக்கலாம் என்பதையும் இந்த நிகழ்வு உணர்த்துகிறது. மேலும், பொதுமக்கள் விழிப்புணர்வுடன் இருக்கவும், குற்றச் செயல்கள் அல்லது சந்தேக நபர்களின் நடமாட்டம் குறித்த தகவல்களைக் காவல்துறைக்குத் தெரிவிக்கவும் அறிவுறுத்தப்பட்டது.காவல்துறையின் முக்கிய வேண்டுகோள்:பொதுமக்கள் எப்போதும் விழிப்புணர்வுடன் செயல்படுங்கள்.எந்தவிதமான குற்றச் செயல்கள் குறித்த புகார்களையும் உடனடியாகக் காவல் துறையினரிடம் தெரிவிக்கவும்.சந்தேகத்திற்கிடமான நபர்களின் நடமாட்டம் குறித்து புகார் அளிக்க முன்வாருங்கள்.சமூக நலன் கருதி காவல்துறையுடன் இணைந்து ஒத்துழைப்பு நல்குங்கள். என்று தெரிவிக்கப்பட்டது
மாலை பார்வை எக்ஸ்பிரஸ் ஆசிரியர்& வெளியீட்டாளர் M. சரவணகுமார் 9789571219
