கம்பம்:காஷ்மீர் எல்லைப் பகுதியில் பயங்கரவாதிகளைத் துணிச்சலுடன் எதிர்கொண்டு, தேசத்தின் பாதுகாப்பிற்காகத் தனது இன்னுயிரையும் துச்சமென மதித்துச் செயல்பட்ட தேனி மாவட்டத்தின் மைந்தன், கீர்த்தி சக்கரா விருது பெற்ற லான்ஸ் நாயக் A. மீனாட்சி சுந்தரம் அவர்களை, நேஷனல் விஜிலென்ஸ் கவுன்சில் ஆஃப் இந்தியா அமைப்பின் நிர்வாகிகள் நேரில் சந்தித்து மரியாதை செலுத்தினர்.சந்திப்பின் சிறப்பம்சங்கள்:கமயகவுண்டன்பட்டியைச் (K.K.Pttசேர்ந்த லான்ஸ் நாயக் மீனாட்சி சுந்தரம் அவர்களின் வீரத்தையும், அவரது தியாகத்தையும் போற்றும் விதமாக இந்த மரியாதை நிமித்தமான சந்திப்பு நடைபெற்றது.இந்நிகழ்வில் நேஷனல் விஜிலென்ஸ் கவுன்சில் ஆஃப் இந்தியா அமைப்பின் தலைவர் திரு. மைக்குடி அவர்கள், தேனி மாவட்ட இணை இயக்குனர் திரு. ராமசாமி அவர்கள் மற்றும் மாநில இயக்குனர் திரு. செல்வகுமார் அவர்கள் கலந்து கொண்டு தங்களது மனமார்ந்த பாராட்டுகளைத் தெரிவித்தனர்.”இராணுவ வீரர் மீனாட்சி சுந்தரம் அவர்களின் அசாத்தியமான வீரமும், நாட்டுப்பற்றும் தமிழகத்திற்கும் தேனி மாவட்டத்திற்கும் மிகப்பெரிய பெருமையைத் தேடித்தந்துள்ளது” என நிர்வாகிகள் பெருமிதத்துடன் தெரிவித்தனர்.
மாலை பார்வை எக்ஸ்பிரஸ் M. சரவணக்குமார் ஆசிரியர் & வெளியீட்டாளர் 9789571219
