அடையாளம் தெரியாத முதியவருக்கு கண்ணியமான இறுதிச் சடங்கு: ‘இராஜேஷ் உதவும் கரங்கள் அறக்கட்டளை’ நெகிழ்ச்சிப் பணி!அருப்புக்கோட்டை:ஆவியூர் காவல் நிலைய எல்கைக்குட்பட்ட பகுதியில் நிகழ்ந்த சாலை விபத்தில் உயிரிழந்த நபர் ஒருவருக்கு, உறவுகள் யாரும் முன்வராத நிலையில், ‘இராஜேஷ் உதவும் கரங்கள் அறக்கட்டளை’ சார்பாக இறுதிச் சடங்குகள் மரியாதையுடன் மேற்கொள்ளப்பட்டன.சம்பவத்தின் பின்னணிசில நாட்களுக்கு முன்பு நடைபெற்ற சாலை விபத்தில், சுமார் 35 வயது மதிக்கத்தக்க நபர் ஒருவர் படுகாயமடைந்து அரசு மருத்துவமனையில் அனுமதிக்கப்பட்டார். தீவிர சிகிச்சை அளிக்கப்பட்டும், அவர் சிகிச்சை பலனின்றி பரிதாபமாக உயிரிழந்தார். உயிரிழந்தவர் யார், எந்த ஊரைச் சேர்ந்தவர் என்ற விவரங்கள் இன்றுவரை கண்டறியப்படவில்லை.அறக்கட்டளையின் மனிதாபிமான உதவிஆதரவற்ற பிரேதமாகக் கருதப்பட்ட அந்த நபருக்கு, ஆவியூர் காவல் நிலையத்தின் கோரிக்கையின்படி பிரேத பரிசோதனை செய்யப்பட்டது. இந்த இக்கட்டான நிலையில், அவரது உடலைப் பெற்றுக்கொள்ள யாரும் முன்வராததால், ‘இராஜேஷ் உதவும் கரங்கள் அறக்கட்டளை’ அந்த உடலைப் பொறுப்பேற்றுக்கொண்டது. இன்று (06-07-2026), ஆவியூர் காவல் நிலைய சிறப்பு சார்பு ஆய்வாளர் திரு. ஹக்கீம் அவர்களின் முன்னிலையில், அருப்புக்கோட்டை மயானத்தில் அனைத்து இறுதிச் சடங்குகளும் முறைப்படி செய்து முடிக்கப்பட்டன.நன்றியுரைஇந்தப் பணியை முன்னின்று நடத்திய திரு. துரை.பிரிதிவிராஜ் (முன்னாள் கிராம நிர்வாக அலுவலர்) மற்றும் அறக்கட்டளை நிர்வாகிகளுக்குப் பாராட்டுகள் குவிந்து வருகின்றன. மேலும், இப்பணிக்கு ஒத்துழைப்பு அளித்த மயான ராஜா திரு. அழகு, அமரர் ஊர்தி ஓட்டுநர் திரு. பிரபு மற்றும் தமிழக வெற்றிக்கழகத்தின் அருப்புக்கோட்டை தொகுதி நகரச் செயலாளர்கள் அப்துல், கார்த்தி, சதீஷ், பிரபா, கண்ணன், செல்வக்கனி, மஜீத், தாஸ், முத்துசாமி ஆகிய நல்லுள்ளங்களுக்கு அறக்கட்டளை சார்பில் நன்றிகள் தெரிவிக்கப்பட்டது.”இவ்வுலகில் ஈருயிர் இருக்கின்ற வரை ஓருயிர் அனாதையில்லை” என்ற தாரக மந்திரத்துடன் இந்த மனிதாபிமானப் பணி நிறைவுற்றது.
மாலை பார்வை எக்ஸ்பிரஸ் M. சரவணகுமார் ஆசிரியர் & வெளியீட்டாளர் 9789571219
